Servizos de rede
Para utilizar o dispositivo, cómpre dispoñer dos servizos dun fornecedor de servizos
sen fíos. Algunhas funcións non se atopan dispoñibles en todas as redes; é posible
que para poder utilizar outras funcións sexa necesario establecer acordos
específicos co seu fornecedor de servizos. Os servizos de rede implican a transmisión
de datos. Comprobe co seu fornecedor de servizos os detalles verbo de tarifas na
súa rede propia ou durante a itinerancia noutras redes. Este pode explicarlle os
importes que lle serán cargados polo servizo. É posible que algunhas redes teñan
limitacións que afecten ao modo en que se poden utilizar algunhas funcións deste
dispositivo que requiran soporte da rede, como soporte para tecnoloxías específicas
como os protocolos WAP 2.0 (HTTP e SSL) que se executan en protocolos TCP/IP e
caracteres dependentes dos idiomas.
É posible que o seu fornecedor de servizos ordenase a desactivación ou non
activación de determinadas funcións no dispositivo. En tal caso, as mencionadas
funcións non aparecerán no menú do dispositivo. Tamén é posible que o dispositivo
dispoña de elementos personalizados como os nomes ou a orde dos menús e as
iconas.
Seguridade
© 2010 Nokia. Todos os dereitos reservados.
9